Палата туралы
«ҚАЗАҚСТАН ҰЛТТЫҚ ВЕТЕРИНАРИЯЛЫҚ ПАЛАТАСЫ» қауымдастығының жеке кәсіпкерлер мен заңды тұлғалар бірлестігі (ҚҰВП), біз Алматы қаласындағы бір топ заңды тұлғалар – сала жетекшілері құрған алғашқы кәсіби ветеринариялық қауымдастықпыз.
Ветеринария саласында қаншама түйткілді мәселелер қордаланып қалғанын түсіне отырып, біз ірі ветеринарлық клиникалардың басшылары ретінде күш-қуатымызды, білімімізді, тәжірибемізді ветеринария саласын дамытуға бағыттаймыз. ҚҰВП ерікті мүшелік арқылы Қазақстанның ветеринарлары мен ветеринарлық ұйымдарын біріктіреді. ҚҰВП қызметі Қазақстан Республикасының Азаматтық кодексімен және «Коммерциялық емес ұйымдар жөніндегі» Заңмен реттеледі. ҚҰВП өз қызметінде ветеринария саласындағы кәсіпкерліктің барлық салаларын қамтиды, толық қаржылық-шаруашылық тәуелсіздігі бар заңды тұлғаның барлық құқықтарына және ветеринариялық қызметті ұйымдастыруда, мониторинг жүргізуде өзіне жүктелген функцияларды тиімді жүзеге асыруға мүмкіндік беретін аппаратқа ие, белгіленген стандарттар мен ережелерді сақтау және мемлекеттік органдарда ветеринариялық қауымдастықтың құқықтарын қорғауға мүдделі.
ҚҰВП негізгі мақсаттары мен міндеттері:
- Қазақстанда ветеринарияны дамыту;
- Қазақстандағы ветеринария саласының дамуын қолдауға бағытталған әлеуметтік-пайдалы мақсаттарды іске асыру үшін ветеринария саласымен айналысатын Қазақстанның Ұлттық ветеринариялық палатасының мүшелері – кәсіпкерлік субъектілерінің қызметін біріктіру және үйлестіру;
- Ветеринария саласында сараптамалық кеңес беру орталықтарын құру;
- Өскелең ұрпақтың бойында мейірімділік, адамгершілік, жан-жануарларға деген жанашырлық сезімін тәрбиелеу;
- Жалпы Қазақстан Республикасында эпизоотияға қарсы шараларды іске асыру мен олардың салдарын қадағалау;
- Ветеринария мамандарының қызметін әлеуметтік-экономикалық қамтамасыз ету және үйлестіру;
- Мемлекеттік органдарда және басқа ұйымдарда ветеринариялық қауымдастықтың кәсіби мүдделерін дамыту, ұсыну және қорғау;
- Ветеринария туралы заңдарды, ветеринариялық профилактикалық іс-шаралар саласындағы қызмет туралы ережелерді қалыптастыру бойынша мемлекеттік органдармен және басқа ұйымдармен бірлесіп жұмыс жасау;
- Кәсіби ветеринариялық қызметке қатысты заң жобаларын талқылауға қатысу және қабылданған құжаттарға сараптама жүргізу арқылы құқықтық базаны жетілдіру;
- Ветеринариялық мекемелер мен ветеринариялық қызметтерді тұтынушылар арасындағы даулар бойынша арбитраждық соттың функцияларын жүзеге асыру;
- Қазақстан Республикасы азаматтарының конституциялық құқықтарын басшылыққа ала отырып, бұқаралық ақпарат құралдарымен өзара әрекеттесу бойынша ұсыныстар әзірлеу және жүзеге асыру;
- Ветеринария саласындағы монополиямен және заңсыз бәсекелестікпен күресу.
Жоғарыда аталған мәселелер шұғыл шешімдерді қажет етеді. Ал біз оларды шешуге кірістік!
ҚР Ұлттық ветеринариялық палатасының бюджеті әрбір ҚҰВП мүшесі төлейтін мүшелік жарналар есебінен қалыптастырылады.
Құрылымы мен мүшелері
